Այս աշխատանքին նպատակն է կարծրատիպերէն անդին անցնելով «Ճպուռը եւ մրջիւնը» առակը քննարկել՝ աշխատանք, բաժնեկցիլ, ստեղծագործութիւն, եւ այլ յղացքներու շուրջ:

Սիրել ի՞նչ կը նշանակէ։ Ինչո՞ւ մէկը կամ բան մը կը սիրենք: Սիրելը նախընտրա՞նք է, թէ՞ պարտադրութիւն: Սէրը անծայր եւ անսահմա՞ն է։

Ի՞նչ կը նշանակէ սեփականատիրութիւն: Ինչպիսի՞ պայմաններու տակ կարելի է բանի մը տէր ըլլալու պահանջ ներկայացնել:

Բանաստեղծութիւն մը ինչո՞վ կը զանազանուի քով քովի շարուած նախադասութիւններէ: Ամէն մարդ կրնա՞յ բանաստեղծութիւն գրել:

Ի՞նչ է բարեկամութիւնը: Որո՞ւն «ընկեր» կ՚ըսենք: Միայն անձերո՞ւ հետ ընկեր կամ բարեկամ կ՚ըլլանք։ Կարելի՞ է ուրիշ էակի մը հետ ալ ընկեր ըլլալ:

Իշխանութիւն ի՞նչ կը նշանակէ: Օրէնքները որո՞ւն կամ որո՞նց կողմէ եւ ի՞նչ բանի համեմատ կը հռչակուին։ Կա՞ն օրէնքներ, որոնց պէտք չէ հնազանդիլ:

Ո՞ր խաղալիքները տղաներու, ո՞ր խաղալիքները աղջիկներու յարմար կը նկատուին: Ո՞վ կ՚որոշէ աղջիկներու եւ տղաներու յարմար խաղալիքները:

Այս աշխատանքին նպատակն է մտածել քաղքենիացումի երեւոյթին շուրջ եւ քննարկել թէ ինչպէս կարելի է աւելի արդար փոփոխութեան ընթացք մը որդեգրել։

Այս աշխատանքը քննարկումի առարկայ կը դարձնէ վերացական «ճիշդ» գաղափարը, շօշափելի առարկայի մը՝ «թիկնոց»ին միջոցաւ:​

Այս աշխատանքին նպատակն է քննարկել «ժողովրդավարութիւն» յղացքը, երեւակայական «թաղային հանրաքուէի» մը օրինակով:

Մարդիկ ի՞նչ պայմաններու տակ իրականութիւնը ըսելու փոխարէն՝ կը նախընտրեն սուտ խօսիլ։ Որոշ սուտերը աւելի ընդունելի՞ են։ «Ճերմակ սուտ» ըսուածը գոյութիւն ունի՞:

Ի՞նչ է արուեստը: Ի՞նչ է այդ բանը, որուն շնորհիւ գործը կը նկատուի գեղարուեստական: Ի՞նչ է գեղեցկութիւնը: Ի՞նչն է որ գեղեցիկ կը դարձնէ գեղեցիկ նկատուած բաները:

Ովքե՞ր կրնան որոշում տալ: Մանուկները իրե՛նք իրենց կրնա՞ն որոշում տալ: Այս քննարկումին նիւթն է, երեխային իրեն վերաբերող նիւթերու մասին գաղափար արտայայտելու իրաւունքը:

Ի՞նչ է արդարութիւնը: Հաւասարութիւնն ու արդարութիւնը նոյն բանե՞րն են: «Երանի» անուան պատմուածքէն մեկնելով՝ կը հարցաքննենք արդարութեան գաղափարը:

Ի՞նչ է իրականութիւնը: Այն ինչ որ մարդիկ կը տեսնեն, իրակա՞ն կը կոչուի: Այս քննարկումը հիմնուած է Պղատոնի «Քարայրի Այլաբանութեան» վրայ:

Թթուաշը լեմոնով կը շինեն թէ՞ քացախով։ Համաձայնութիւն կարելի՞ է գոյացնել։ Ի՞նչ է համաձայնութիւն: Մարդիկ ո՞ր պարագային համաձայն կ՚ըլլան: Անհրաժե՞շտ է համաձայնիլ։

Ի՞նչ է քաջութիւնը։ Ուրիշներու կողմէ չընդունուած բան մը ընելը խենթութի՞ւն է: Այս քննարկումին կեդրոնը կը գտնուի Սերվանդէսի Տոն Քիշոթը:

Եթէ բանի մը բոլոր մասերը փոխուած են, կը մնա՞յ այն ինչ որ է։ Ի՞նչն է, որ բան մը կը դարձնէ ա՛յն ինչ որ է։ «Թեսեոսի նաւը» դրուագը կը գործածուի փոփոխականը եւ անփոփոխը բնութագրելու համար։